BA i International handel og markedsføring

(u.au)

Siunissami tuniniaanermi pilerisaarinermilu sakkussat atugassatit tamarmik

Pilersitserusuppit ilisimasatigut piginnaasatigullu niuernerup iluani, pilerisaarinermi, aqutsinermi, aaqqissuussinermi, suleqatigiinnermilu toqqammavimmik qajannaatsumik?
Ilisimasaqarnerillu sammisanik toqqangassanik nutaanik ilaartorusuppigit, soorlu ineriartortitsineq, e-business imaluunniit nutaaliorneq? Taava BA Nunat Tamalaat Akornanni Niuerneq, ussassaarinerlu qularnaatsumik ilinnut tulluarpoq.

Sooq BA Nunat Tamalaat Akornanni niuerneq, ussassaarinerlu?-mullu atuarneq

Nunat Tamalaat Akornanni niuerneq, ussassaarinermilu Bachelor ilinnut tulluartuuvoq, ilinnut tunisinermik ussassaarinermillu annertunerusumik ingerlaqqikkusuttumut. Nunani tamalaani, kalaallillu ataqatigiinneranni. 

Suliamik ilisimasaqarluarnerup itisileernissaa pillugu, toqqaannaq atorsinnaasumik, kisianni aamma ilinniagaq immikkut ittunik soqutiginartunik toqqarneqarsinnaasunik neqerooruteqarmat.

Suna piumasaqaataava BA Nunat Tamalaat Akornanni niuerneq, ussassaarinerlu?-mut aallartinniaraanni?

BA Nunat Tamalaat Akornanni niuerneq, ussaassaarinermullu allartissangaanni, makkua naammassisimasariaqarpatit:

  • MERX II
  • Ilinniarnertuunngorsimanissaq Niuernermi aningaasaqarnermilu imaluunniit assigisai.

Piumasaqaatinik qulaani taaneqartunik naammassinnissimanngikkuit, periarfissaqarpoq piginnaasanik nalilersuisoqarsinnaaneranik imaluunniit immikkut akuerisaanermik. Annertunerusumik paasisaqarusukkuit takuuk ilinniakkap aaqqissuussaanera.

BA Nunat Tamalaat Akornanni niuerneq, ussassaarinerlu sumut ammaassiva?

Ilinniagaq kandidat-itut ingerlaqqinnissamut periarfissiivoq, imaluunniit kandidat-inut ingerlaqqinnissanut sivikillisaanermut atorneqarsinnaalluni.

Suna ilinniassavara?

BA Nunat Tamalaat Akornanni, ussassaarinerlu, inuussutissarsiorneq qitiutippaa, ukualu sammisassat pissarsiarissavatit:

  • Niuerneq pilerisaarinerlu
  • Aqutsineq, aaqqissuussineq, suleqatigiinerlu
  • Inatsisilerineq
  • Aningaasaqarneq, aningaasalersuinerlu
  • Periutsit, suliallu ataatsimut akimorlugit suliat
  • Sammisat toqqangassat (soorlu, Nutaaliorneq, ineriartortitsineq amma E-Business, Business Ethics, Aqutsineq Kalaallit Nunaanni ingerlanneqartoq)

Sammisat suliffimmik sungiusarnermik ilaqassapput, ilinniagarlu naggaserneqassaaq bachelor-imut sammisamik suliaqarnermik.

Ilinniagaq qanoq aaqqissuussaava?

BA Nunat Tamalaat Akornanni, ussassaarinerlu ukiup affaata missaaniittumut arfineq marlunni ingerlanneqartarpoq, ukiunilu pingasuni affarmilu ingerlanneqartarluni. Ilinniakkap ingerlanerani suliffimmik sungiusarnerit marluk, sammisamillu suliaqarnermik ataatsimik imaqarluni.

Qanoq atuartitsineq ingerlasarpa?

Atuartitsineq tiiminut aggugaavoq, eqimattani atuartitsineq, oqalugiartitsinerit, avataaniik saqqummiinerit, skema malillugu atuartitsineq, atuarneq, suliaqarneq, eqimattanngorluni sulineq, nammineq ilinniarneq, ilinniagassalerineq il.il.
Ilinniartitsinerup ilarujussuaq paasiuminartunngorlugu suliaavoq. Sulianik assersuusiorluni, sammisanillu ulluinnarni pisartunik piusunik aallavilinnik suliaqartassaatit, taamaasillunilu siunissamik suliffigilerumaakkannut piareersarneqassaatit.

Ilinniarnerup ilaa qarasaasiakkut ingerlanneqartarsinnaavoq. Aammattaaq ilinniarnerup ilaa nunani allani ingelanneqartarsinnaalluni, taamaasiornermilu sivikillisaanermik kinguneqarsinnaalluni.

Suliffimmi sungiusarneq, suliffimmik sungiusarfimmi ataatsimi akuerisami Kalaallit Nunaanni imaluunniit nunani allani ingerlanneqartassaaq.

Misilitsinneq qanoq ingerlasarpa?

Ukiup affai tamarmik misilitsinnermik suliakkiinernillu naggaserneqartassapput. Oqaluttariarsornermik misilitsinnerusinnaapput, allattariarsornerullutik, sammisamik suliaqarnerullutik, sungiusarnermilu nalunaarusiornerullutik.

Suut eqqumaffigissavakka?

  • Ilinniarneq Niuernermik Ilinniarfimmi (Greenland Business School)-mi pissaaq
  • Atuarneq septembarip aallartinnerani aallartissaaq, qinnuteqarnermullu killigitinneqarpoq martsip aallaqqaataa.

Qanoq aallartissaanga?

Ilinniakkamut qinnuteqarneq pisarpoq illoqarfigisanni Majoriami imaluunniit sullissivik.gl-mi

Aaamma tikilluaqqungaarpatsigit ilinniarnermut aqqutissiuussisutsinnut allagaqarnissannik uunga studievejleder@gbs.gl