MERX I

Ilinniarnertuunngornermiit niuernermik ilinniakkanut aqqutissaq

Ilinniarnertuunngoreerpit, eqqarsaateqarpillu, niuerneq aningaasaqarneq imaluunniit tuniniaanermik sulilissallutit? Taamaappat MERX I TNI-mut imaluunniit MERX II-mut ingerlaqqinnissamut aqqutissaavoq.

Sooq MERX I-mut atuarneq

MERX I periarfissiivoq TNI-mi ilinniakkanut kiisalu MERX II MERX I periarfissiivoq GUX TNI-lu akademi-mut ilinniakkanut MerX II aqqutigalugu ingerlaqqinnissamut

ILINNIARNERTUUNGORNERMIIT TNI-mut

ILINNIARNERTUUNNGORNERMIIT akademi-mi ilinniakkanut

MERX I-mut aallartinniaraanni suna piumasaqaataava?

MERX I-imut aallartinniaraanni ilinniarnertuunngorniarneq angusiffigisimasariaqarpoq, angusaq minnerpaaq E (02) sammisani Matematik C, Inuiaqatigiilerineq C, Tuluttullu C anguneqarsimassallutik.

Atuartut niuernerup iluani (siusinnerusukkut HHX) ilinniarnertuunngorsimasut toqqaannaq akademi-mi ilinniakkanut qinnuteqarsinnaapput.

Suna ilinniassavara?

MERX I-mi inuussutissarsiornerup iluani pissutsinik pingaarutilinnik eqquinissamik ajoqersuunneqassaatit. Taamaasilluni ilinniakkamut sorlermut ilinniaqqiffigissallugu soqutigisannut nalilersuinissannut periarfissaqalissaatit. 

MERX I-mi piginnaasatit ineriartortissinnaavatit atuagarsornikkut suleriaatsikkut ajornaatsumillu pilersaarusiornikkut, makku sammisassat naatsorsuutigisinnaavatit:

  • Inuussutissarsiornermi aningaasaqarneq C
  • Nutaaliorneq C
  • Tunisaqarneq C
  • Qarasaasialerineq C
  • CV -liorneq
  • Ingerlatsineq
  • Takussaasunik nittarsaassineq
  • Ilinniarnermi periuseq
  • Kinaassutsimut tunngatillugu tarnikkut pissusilerineq
  • Sammisamik aaliangersimasumik pilersaarusiorneq

Ilinniagaq qanoq aaqqissuussaava?

MERX I tamakkiisumik atuarneruvoq, ukiup affaanik sivisussuseqarluni (sapaatit akunneri 18-it + sapaatip akunnera ataaseq misilitsiffittut atussalluni). Atuartitsineq tiiminut atuartitsiviusussanut inississungaavoq, skema malillugu atuarfissat, atuarneq, pilersaarusiorneq- eqimattanngorlunilu suliaqarneq, nammineq atuarneq, ilinniagassat il.il.

Qanoq atuartitsineq ingerlasarpa?

MERX I-mi sapaatip akunneranut atuarnermi sullivissat tiimit 40-it missaaniipput. Taakkua affai sinnilaarlugit atuarfimmiilluni ilinniartitsisumik najuuttoqarluni suliassaapput. Tiimit sinneri skema malillugu atuartitsinermi suliassaallutik, angerlarsimalluni sulineq, ilinniagassanik atuarneq kiisalu tiimit ikiorneqarsinnaanermut aqqutissiuunneqarsinnaanermullu atorneqarsinnaallutik.

Atuartitsinerup ilarujussuaq paasinartuuvoq. Ulluinnarni assersuutit, ulluinnarnilu assersuutit piviusut aallavigalugit suliaqartassaatit, taamaasilluni siunissami suliffigilerumaangassannut piukkunnarsarneqassallutit. Atuarnerup ingerlanerani suliat pillugit atuakkanik atuartassaatit, isiginnaangassianik aalasulianik isiginnaartassallutit, taakkualu imarisaanik suliaqartassallutit kisimiillutit imaluunniit eqimattanngorlusi.

Misilitsinneq qanoq ingerlasarpa?

Atuarneq naggaserneqassaaq, Inuussutissarsiornermi aningaasaqarneq, Nutaaliorneq, Tunisaqarneq aammalu Paasissutissiinermi teknologi-mi sammisamik misilitsinnermik.

Qanoq aallartissaanga?

Ilinniakkamut qinnuteqarneq pisarpoq illoqarfigisanni Majoriami imaluunniit sullissivik.gl-mi

Ilinniagaq pillugu annertunerusumik paasisaqarusukkuit, ilinniakkap aaqqissuussaanera saqqummiussaq takusinnaavat. Aaamma tikilluaqqungaarpatsigit ilinniarnermut aqqutissiuussisutsinnut allagaqarnissannik uunga studievejleder@gbs.gl