TNI FLEX

Tunngaviusumik ilinniakkamut inuussutissarsiutaasumut aallartinnissannut piukkunnarsarit

Pisiniarfinni allaffinniluunniit sulinissamik eqqarsaateqaruit, meeqqallu atuarfiat naammassisimallugu, kisiannili sammisat ilai amingaatigalugit? Taava TNI Flex ilinnut toqqassallugu tulluartuusinnaavoq.

Sooq TNI FLEX-imut atuassavit?

TNI Flex ilinnut piginnaasanik qaffassaaffiuvoq, TNI-mut ilinniarniarluni piumasaqaatinik amingaateqaraanni, imaluunniit allamik tunngaviusumik inuussutissarsiutigalugu ilinniagaqarniaraanni.

Taamaasilluni TNI Flex ilinniaqqinnissamut aqqutissaavoq, tassani aningaasaqarneq, sulianik isumaginninneq aammalu saaffiginnittunik sullissinerulluni.

TNI Flex-mut aallartinniaraanni suna piumasaqaataava?

Ilinnut inuussutissarsiornermut tunngasunik ilinniagaqarnissamut piumasaqaatinik naammassinnissimanngitsumut, TNI Flex-imi atuarnissamut periarfissaqarputit.

TNI Flex sunut periarfissiiva?

TNI Flex ilinnut piginnaasanik qaffassaaffiuvoq. Tunngaviusumik inuussutisssarsiutigalugu ilinniagaqarniarlutit eqqarsaateqaruit, kisiannili piumasaqaatinik , Kalaallisut, Qallunaatut, Tuluttut Matematik-imilu amigaateqartumut, taava TNI Flex ilinnut alloriaataasinnaavoq.

Suna ilinniassavara?

TNI Flex-imi arlalialunnik tunngaviusumik sammisassaqarpoq: Kalaallisut, Qallunaatut, Tuluttut, Matematikilu, kiisalu sammisassat allat: Qarasaasialerineq, Inuussutissarsiornermi aningaasaqarneq, Tuniniaaneq aamma Sullissineq, Inuiaqatigiilerinerlu. Tamakkua saniatigut aaliangersimasumik sammisaqarlusi suliaqartassaasi, soorlu isiginnaartitsineq, inuttullu ineriartorneq.

Meeqqat atuarfiani imaluunniit allami tungaviusumik suliassat ilaanni naammassinnissimaguit, sammisamut pineqartumut pisariaqanngilatit. Taamaallaalli sapaatip akunneranut minnerpaamik 20 tiimit sammisaqartoqassaaq ilinniagaqarnersiuteqarniaraanni.

Ilinniagaq qanoq aaqqissuussaava?

Atuartinneqarneq sapaatit akunnerinik 40-nik sivisussuseqarpoq, atuartitsineq suliffimmik misiliinertaqarpoq. Suliffimmik misiliineq sapaatit akunnerinut marlunnut sivisussusilerneqarsinnaavoq, imaluunnit ukialernerani sapaatip akunneranik ataatsimik upernalerneranilu sapaatip akunneranik aataatsimik pisartussatut.

Qanoq atuartitsineq ingerlasarpa?

TNI Flex-mi atuartitaaneq paasinartuuvoq. Tamannalu isumaqarpoq ajornartorsiummik qaangiiniarnissamut aaqqiissuteqarniarsinnaallutit – piviusunik suliaqarnikkut atuartinneqarlutit, aammattaarli naliginnaasunik saqqummiiffigineqartassallutit.

Atuartitsineq allanngorarpoq atuartitsinermik, eqimattanngorluni suliaqarnermik, ataasiinnaalluni sulinermik, Atuartitsineq allanngorartuuvoq tamanut atuartitsinerulluni, eqimattanngorluni kiisalu kisimiilluni suliaqarnermik, immikkut ittumik sammisaqarneq, suliassallu allat.

Misilitsinneq qanoq ingerlasarpa?

Tunngaviusumik sammisanut, sammisanullu allanut misilitsittoqaassaaq, kisiannili sammisani aaliangersimasuni misilitsittoqassanngilaq

Tamakkua saniatigut ataqatigiissaarisumik attaveqassaatit, taassuma nalilersortassavaatit, aqqutissiuullutillu ingerlaninni. Aammattaaq suliatigut inuttullu ineriartorninni, siunissamilu ilinniagarilerumaakkannik kiisalu misilitsinnissannut piareernarnermi.

Qanoq aallartissaanga?

Ilinniakkamut qinnuteqarneq pisarpoq illoqarfigisanni Majoriami imaluunniit sullissivik.gl-mi

Ilinniagaq pillugu annertunerusumik paasisaqarusukkuit, ilinniakkap aaqqissuussaanera saqqummiussaq takusinnaavat. Aaamma tikilluaqqungaarpatsigit ilinniarnermut aqqutissiuussisutsinnut allagaqarnissannik uunga studievejledning@gbs.gl