AU Human Ressources
Sulinerni atortut pingaarnerpaat sullisikkit; inuit.
Sulisunik ineriartortitsineq, atorfinititsinerlu suliarissallugit pissaganartuutippigit? Taamaappat akademi-mi ilinniagaq Human ressources toqqassallugu ilinnut tulluartuuvoq.
AU Human Ressources sooq ilinniarfigissavara?
Akademi-mi ilinniagaq Human Ressources ilinnut tulluartuuvoq, sulisoqarnermi atorfinititsinernik, sulisut sulisoriinnarnissannut, ineriartornissaannullu sullisserusussuseqarluartumut. Ilinniakkap ilisimasaqalersillutillu piginnaasaqalersissavaatit, sulisunik, aaqqissuussinermi, ineriartortitsinermi, siunnersuinermi, allaffissornermi, siumullu isigaluni pilersaarusiornermut.
Ilinniagaq diplom-itut ingerlaqqinnissamut periarfissiivoq
Atuartitsineq qanoq ingerlasarpa?
AU Human ressources-mi ilinniartutut suliassat ukuupput: ilinniartitsisoqarluni atuarneq, ilinniartitsisoqarani atuarneq, nammineq ilinniartutuut tiimeqarneq, atuarnissamut piareersarneq, sammisanullu allanut peqataanissaq.
Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.
Akademi-mi Human ressources-imi makku, HR-imi sakkut assigiingitsut atuagarsornikkut, sulinikkullu atorsinnaasassatit, kajumilersitsinermut, sulisut sulisoriinarnissaannik, ineriartortinnissaannik taamatitsinissanullu suliniutit atorsinnaanngussavatit. Aammattaaq ilinniassavat, qanoq ilillutit suliffeqarfik sakkut taakku atorlugit ineriartortissinnaanerlugu. Sulinerni periarfissaqalissaatit piginnasavit, sulinermilu pikkorissutsivit misilerarnissaannut.
Sammisat ukuussapput: Kompetenceudvikling, Rekruttering, Samtalen som redskab, Personalejura, Forretningsdrevet HR, Samfundsvidenskab metode, HR i praksis og Afsluttende afgangsprojekt
Paasissutissat
Sivisussuseq: Semesterit 4
Qinnuteqarfissamut killigititaq: Martsip aallaqqaataa
Ilinniakkap aallartinnissaa: Aggustusi
- Ukiunik marlunnik sivisussuseqarpoq
- 120 ECTS
- Ilinniarnerup ingerlanerani ilinniarnermusiaqartoqarsinnaavoq
- Suliffimmik misiliinerup nalaani ilinniartutuut isumaqatigiissutit malillugit akissarsiaqartassaatit.
- Suliffimmik misiliiffissamik piumasaqaateqarpoq
- Qinnuteqarneq sullissivik.gl aqqutigalugu
Ilinniakkap aaqqissuussaanera
AU Human ressources aaqqissuussaavoq atuagarsorneq, suliffimmilu sungiusarnikkut paarlakaattumik ingerlanneqartarluni.
Ukiut affai siulliit marluk, HR suliffittut, Oqaloqatigiinneq sakkutut, HR-ip ingerlanneqarnera, periutsinillu sammisat misilitsiffiussapput.
Ukiup affata pingajussaanni sisamassaannilu, Piginnaasanik ineriartortitsineq, Atorfinititsineq, Sulisoqarnermi inatsisit, inaarutaasumillu suliaqarneq naammassineqassapput.
AU Human Ressources ilinniarfigilissagaanni suut piumasaqaataappat?
AU Human ressources-mut ilinnialerniaraanni, makkua atuarnerit naammassisimassavatit.
- MERX II
- Ilinniarnertuunngorsimanissaq Niuernermi aningaasaqarnermilu imaluunniit assigisai.
Piumasaqaatit naammassisimanngikkukkit immikkut akuerisaanissamik periarfissaqarputit. Piginnaasatigut misilitsinnermi immikkulluunniit akuerisaanermi. Paasisaqarnerorusukkuit tunngaviusumik sammisassat takujuk.
Sammisat oqaluttariarsornermik misilitsinnermik naggaserneqassapput, piviusumik sammisaqarluni suliaqarnerit, kiisalu allattariarsorluni inaarutaasumik suliaqarneq.
Qanoq aallartissaanga?
Ilinniakkamut qinnuteqarneq, najukkami Majoriaq imaluunniit sullissivik.gl aqqutigalugit pisarpoq. http://sullissivik.gl.
Ilinniagaq pillugu annertunerusumik paasisaqarusukkuit, paasissutissat ilinniakkap aaqqissuussaanera pillugu saqqummiussaq takusinnaavat. Aammali tikilluaqqungaarpatsigit ilinniarnermut aqqutissiuussisutsinnut allagaqarnissannut uunga studievejleder@gbs.gl.
Suut eqqumaffigissavakka?
- Atuarneq Greenland Business Schoolimi (Niuerneq Ilinniarfimmi) Nuummi ingerlanneqassaaq.
- Atuarneq aggustusi aallartisimalernerani aallartissaaq, qinnuteqarnermullu killigitinneqarpoq martsip aallaqqaataa.
- Suliffimmik sungiusarfissannik kingusinnerpaamik juunip aallaqqaataani isumaqatigiissuteqareersimassaatit.
- Ilinniarnerup ingerlannerani ilinniarnermusiaqarsinnaavutit, suliffimmilu misiliinerni isumaqatigiissutit malillugit akissarsiaqartinneqassallutit.