Atuarfik pillugu

Greenland Business School (siusinnerusukkut Niuernermik Ilinniarfimmik atilik) 2023-imi atia allanngortinneqarpoq, malitsigalugu nunarsuarmioqataarusunneq unammillerluarsinnaanissaalu kissaatigineqarmat. Inuiaqatigiit kalaallit toqqammavigalugit atuarfiup nunat tamalaat naligilernissai anguniarpai aammalu ilinniartunik ilinniartitsisunillu pilerinarsaarusulluni.

Nuummi Greenland Business School aallartitsinnagu Kalaallit Nunaanni niuernikkut ilinniarsinnaaneq periarfissaasimanngilaq. Taarsiullugu ilinniassagaanni Ikastimut aallarluni ilinniariarnissaq avaqqunneqarsinnaasimanngilaq.

GBS pillugu oqartoqarpoq

”Atuarfimmi atuagarsornerup sulinerullu ataqatigiissumik ingerlanneqarnera assorsuaq nuannarivara. Ilinniagaq eqimattani sulisinnaanissamaik piumasaqaateqanngaatsiarpoq, matumani imminut akisussaaffigeqatigiinneq kiisalu kikkut tamat peqataanissaannik qulakkeerinneqataanissaq ilinniarneqarluni. Ilinniartoqatit peqatigalugu ataqatigiinneq pitsaanerusinnaanngilaq, inuunerullu sinneranut ikinngutitaarfiulluni.”
Charlotte LudvigsenTidligere Borgmester Kommuneqarfik Sermersooq
Inuusuttatta ilinniarluarsimanissaat qulakkeerniassavarput, taamaasillutik siunissami Kalaallit Nunaata Namminiilivinnissaanut nunallu imminut aningaasaqarnikkut napatissinnaanissaanut tunngavisseeqataalluassammata”
Múte B. EgedeNaalakkersuisut Siulittaasuat

Ullumi

Greenland Business School ullumikkut ilinniakkanik inuussutissarsiornikkut ilinniakkanik assigiingitsorpassuarnik neqerooruteqarpoq uani aamma TNI, MerX, AU kiisalu BA. Ilinniakkat tamaasa uani takukkit.

Atuarfittu siullertut ilinniartut neqeroorfiginiarpagut ilinniakkat inuussutissarsiornikkut, suliffimmilu sungiusarnermik siunertallit, taamaasilluni pitsaassutsit qaffasissut naammassinermi pigineqarnissaat anguniarlugu.

Ukiumut ilinniartut 150 miss. Atuarfimmiik naammassisarput, amerlasuullu aamma ilinniaqqillutik ingerlaqqittarput atuarfimmi imaluunniit toqqaannaq suliffimmik aallartitsillutik, amerlasuutigut praktik-ernertik ilaqqiinnarlugu.

40+ Niuernermik Ilinniarfik

2019-imi augustusip 31-iani Greenland Business School nalliuttorsiorpoq ukiunik 40-liilluni. 1978-imilu aallarniutigalugu pikkorissarneq sapaatit akunnerinik arfineq pingasunik sivisussusilik, ukiullu ingerlanerini ilinniarfittut atuutilersimalluni, ullumikkut ilinniakkanik amerlasuunik pikkorissarnernillu neqeroorutilik, suliffeqarneq, piginnaanernillu ataavartumik aaqqissuussineq suliffeqarfiit suliniaqatigiillu piumasaannik ingerlanneqartarluni.

Ullut tamaasa atuartut 400-it missaaniittarput, illumi tungujortumi Aqqusinersuaq 18-imiittumi. Ilai piareersarfiusumik atuarlutik, ilai pikkorinnerorusullutik akadimimi ilinniakkanut ingerlaqqittut. Greenland Business School-imi atuartut ilinniakkaminnik naammassisinnissinnaapput meqqat atuarfiniik aammalu professionsbachelor-itut, kiisalu tassunga atasoq master aammalu ph.d.

Ukiut kingulliit inuussutissarsiornikkut ilinniakkanut qinnuteqartartut ukiumut 10%-imik qaffariarsimapput, aammalu atuartut ilinniakkanut qaffasissunut atuarumanerullutik Kalaallit Nunaanni. Tamanna ilutigalugu inuussutissarsiornikkut suliffeqarfiit piumanerujartorpaat, sulisunik qaffasissumik aningaasarsiornikkut, allaffissornikkut aammalu niuernikkut ilinniarsimasut. Tamakkua unammillernartut inuiaqatigiinni aaqqinniarsaraangut. Ilutigalugulu inuussutissarsiornikkut piumasaqaatinik naammassinniniarluta. Tamanna anguniarparput inuussutissarsiorneq suliffeqarnerlu ulluinnarni ilinniartitsinitsinni pilersaarusiornitsinnilu peqataatinnieqartartut peqatigalugit.