Finansøkonom

Startskuddet til din karriere indenfor finanssektoren

Aningaaserivimmi, illunik tuniniaavinni imaluunnit kukkunersiuinermi- siunnersuisarfinniluunniit siunnersortingorusullutit eqqarsaateqaruit? Taava ilinniagaq finansøkonom aallartiffigissallugu ilinnut piukkunnarpoq.

Sooq Finansøkonom-imut atuarneq?

Finansøkonom-itut ilinniarninni, ilinniassavatit tuniniaaneq, siunnersuineq, sullissinerlu. Piginnaasatit pikkorissutsillu atorsinnaassapput, aningaaserivinni, aningaasanik atorniartarfinni, sillimmasiisarfinni, illunik tuniniaasuni kiisalu kukkunersiuinermi, aningaasanik sullivinnik namminersortuni, kiisalu pisortat suliffeqarfiutaanni ingerlatsiviinilu.

Finansøkonom-itut sullitat, tunisinermi, siunnersuinermi, aningaasaliinissamut periarfissani, namminersortut- inuussutissarsiornermilu soqutigisaqaqatigiinni kiisalu aningaasanik aqutsisut akimorlugit sullississaatit.

Finansøkonom-imut aallartinniaraanni suna piumasaqaataava?

Finansøkonom-imut ilinniarniarlutit aallartinniaruit makkua aqqusaareersimassavatiti:

  • MERX II
  • Ilinniarnertuunngorsimanissaq Niuernermi aningaasaqarnermilu imaluunniit assigisai.

Piumasaqaatinik qulaani taaneqartunik naammassinnissimanngikkuit, periarfissaqarpoq piginnaasanik nalilersuisoqarsinnaaneranik imaluunniit immikkut akuerisaanermik. Annertunerusumik paasisaqarusukkuit takuuk ilinniakkap aaqqissuussaanera.

Finansøkonom-i sumut ammaassiva?

Ilinniagaq diplom-itut ingerlaqqinnissamut periarfissiivoq

Suna ilinniassavara?

Ilinniagaq atuagarsorluni, ajornaatsumillu pilersaarusiornikkut suliaqarfiuvoq. Misissueqqissaarnernik, siumut pilersarusiorneq, siunnersuinernilu periutsinik suliaqarnikkut, aningaasanik aqutsinermik, aningaasaleeriaatsinullu periarfissarsiornermik suliaqassaatit.

Sammisat ukuussapput:

  • Kisitsisit atorlugit nassuiaasiornerup allaaserineqarnera
  • Aningaasaleeriaatsinut ilisimasaqarneq
  • Inuussutissarsiornermi aningaasaqarneq
  • Inuussutissarsiornermi- aningaasaqarnermi inatsisit
  • Nunarsuaq tamakkerlugu aningaasaqarneq
  • Inuussutissarsiornermi aningaasaqarnikkut periuseq
  • Attaveqatigiinneq, tunisaqarnerlu
  • Nammineq aningaasaatinik siunnersuineq
  • Aningaasalersuineq, aningaasaliinerlu
  • Aningaasaqarnermik ussassaarineq
  • Digital-ikkut attaveqaqatigiinneq, tunisaqarnerlu

Taakkua saniatigut makkuninga sammisassanik qinigassaqarputittaaq:

Aaqqissuussineq aqutsinerlu (sammisaq nammineq toqqangassaq), Inissianik sullissineq (sammisaq nammineq toqqangassaq), Soraarnerussutisianik katersineq (sammisaq nammineq toqqangassaq), Aningaasaqarnermi siunnersuineq (sulliviup sammivia) kiisalu Aningaasanik aqutsineq (sulliviup sammivia).

Ilinniagaq qanoq aaqqissuussaava?

Atuarnerni immikkoortuni marlunni siullerni, Kisitsisit atorlugit nassuiaasiornerup allaaserineqarneranut, Aningaasaleriaatsimut ilisimasaqarnermut, Inuussutissarsiornermi aningaasaqarnermut, Inuussutissarsiornermi- aningaasaqarnermi inatsisit nunarsuaq tamakkerlugu aningaasaqarnermut, Inuussutissarsionermi aningaasaqarnikkut periutsimut, attaveqaqatigiinnermut aammalu tunisaqarnermut, kiisalu Nammineq aningaasaatinik siunnersuineq -mut misilitsittoqassaaq.

På tredje og fjerde semester færdiggøres Investering og finansiering, Finansiel markedsføring, Digital kommunikation & salg, Valgfag samt afgangsprojekt. På fjerde semester indgår ligeledes et 3 måneders praktikforløb.

Qanoq atuartitsineq ingerlasarpa?

Atuartitsineq tiiminut aggugaavoq, eqimattani atuartitsineq, oqalugiartitsinerit, avataaniik saqqummiinerit, skema malillugu atuartitsineq, atuarneq, suliaqarneq, eqimattanngorluni sulineq, nammineq ilinniarneq, ilinniagassalerineq il.il.

Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.

Misilitsinneq qanoq ingerlasarpa?

Sammisat oqaluttariarsornermik misilitsinnermik naggaserneqassapput, piviusumik sammisaqarluni suliaqarnerit, kiisalu allattariarsorluni inaarutaasumik suliaqarneq.

Suut eqqumaffigissavakka?

  • Ilinniarneq Niuernermik Ilinniarfimmi (Greenland Business School)-mi pissaaq
  • Atuarneq augustusip aallartinnerani aallartissaaq, qinnuteqarnermullu killigitinneqarpoq martsip aallaqqaataa.
  • Suliffimmik sungiusarfissannik kingusinnerpaamik juunip aallaqqaataani isumaqatigiissuteqareersimassaatit.
  • Atuagarsornerit nalaanni ilinniagaqarnersiuteqartassaatit, paarlattuanilli suliffimmi sungiusaraangavit ilinniartutut , isumaqatigiissutit atuutut malillugit akissarsiaqartassaatit.

Qanoq aallartissaanga?

Ilinniakkamut qinnuteqarneq pisarpoq illoqarfigisanni Majoriami imaluunniit sullissivik.gl-mi

Ilinniagaq pillugu annertunerusumik paasisaqarusukkuit, ilinniakkap aaqqissuussaanera saqqummiussaq takusinnaavat. Aaamma tikilluaqqungaarpatsigit ilinniarnermut aqqutissiuussisutsinnut allagaqarnissannik uunga studievejleder@gbs.gl

  • Ilinniarneq aallartissaq augustusimi
  • Qinnuteqarnerlu martsip aallaqqaataanut killeqarpoq
  • Ukiunik marlunnik sivisussuseqarpoq
  • Uddannelsesstøtte-berettiget i skoleperiode
  • Suliffimmi sungiusarnerup nalaani, ilinniartutuut isumaqatigiissutit malillugit akissarsiaqartassaatit.
  • Qinnuteqarneq sullissivik.gl aqqutigalugu
  • Studieordning