AU Pisortani allaffissorneq

Inuttaasunut sulissinermik pitsaanerpaamik pilersitseqataagit

Allaffimmi suliassanik, politikkikkut, inatsisilerinikkut, inuiaqatigiinnilu sammisassat iluini sulineq pissanganartuusoraajuk? Taamaappat akademi-mi ilinniagaq Pisortani allaffissorneq ilinnut toqqassallugu tulluartuuvoq.

Sooq AU Pisortani allaffissorneq-mi atuarneq?

Akademi-mi Pisortani allaffissorneq, ilinnut sulianik isumaginninnermik, inuttaasunullu pitsaasumik sullissinermi, ajornartorsiutinillu aaqqiniarnermi sullissinissamut pissagarnartutut isiginnittumut piukkunnartuuvoq.

Ilinniarnermi ilinniassavatit, ajornartorsiutit assigiingitsorpassuit, kommuunit sullissiviini, nalagaaffiullu suliffeqarfinnii. Eqqummaariffiginerulissavatit politikkikkut, inatsisitigut, aqqissuussinikkut kiisalu aningaasartuutit pillugit sinaakkusiinerit immikkoortuni pineqartuni atuuttut, soorluli aamma pisut pilersaarusiortassagitit, ataqatigiissaarlugillu, ingerlatsinermilu suliassat suliarisarlugit.

Suna piumasaqaataavq AU Pisortani allaffissorneq-mi aallartinniaraanni?

Pisortani allaffissorneq-mut ilinnialerniaraanni, makku atuarnerit naammassisimassavatit.

  • MERX II
  • Ilinniarnertuunngorsimanissaq Niuernermi aningaasaqarnermilu imaluunniit assigisai.

Piumasaqaatinik qulaani taaneqartunik naammassinnissimanngikkuit, periarfissaqarpoq piginnaasanik nalilersuisoqarsinnaaneranik imaluunniit immikkut akuerisaanermik. Annertunerusumik paasisaqarusukkuit takuuk ilinniakkap aaqqissuussaanera.

Pisortani allaffissorneq sunut aammaassiva?

Ilinniagaq diplom-itut ingerlaqqinnissamut periarfissiivoq

Suna ilinniassavara?

Pisortani allaffissorneq-mi ilinniakkap, suliassanik kommuunini, piffinni immikkoortuni, nalagaaffimmilu suliassanik, politikkikkut, inatsisitigut, aaqqissuussinikkut, aningaasaqarnerlu pineqartillugit piginnaangorsassavaatit.

Sakkussanik ilisimasanillu, qanoq suliffeqarfik ungasinnerusoq isigalugu ineriartortissinnaanerlugu pissarsiaqassaatit. Suliffimmik sungiusarninni periarfissaqassatit piginnaasavit misilittarnissai atornissaalu.

Sammisat ukuussapput:

  • Suliassanik isumaginninneq
  • Aningaasanik aqutsinermi suleriaaseq
  • Inuttaasunik oqaloqateqarneq
  • Aaqqissuussineq
  • Inuussutissarsiornermi aningaasaqarnikkut periuseq
  • Digital-imik sullissineq, nutaaliornerlu (moduli siunnerfilik)

Ilinniagaq qanoq aaqqissuussaava?

AU Pisortani allaffissorneq aaqqissuussaavoq atuagarsornermik suliffimmilu sungiusarnermik paarlakaallugit.

Ukiut affai siulliit marluk, suliassanik isumaginninnermi, Innuttaasunik oqaloqateqarnermi, Aaqqissuussinermi, periaatsinillu sammisaqarnermi misilitsittoqassaaq 

Ukiullu affaata pingajuanni sisamaanilu, Aningaasanik aqutsinerup ingerlannera, Digital-imik sullissinermi, nutaaliornermilu, inaarutaasumillu suliaqarnermik naammassineqassapput.

Qanoq atuartitsineq ingerlasarpa?

Pisortani allaffissorneq-mi atuartitsineq assigiingitsunut avinneqarpoq: Atuartitsineq tiiminut aggugaavoq, eqimattani atuartitsineq, oqalugiartitsinerit, avataaniik saqqummiinerit, skema malillugu atuartitsineq, atuarneq, suliaqarneq, eqimattanngorluni sulineq, nammineq ilinniarneq, ilinniagassalerineq il.il.

Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.

Misilitsinneq qanoq ingerlasarpa?

Sammisat tamarmik assigiingitsutigut misilitsiffiupput: oqaluttariarsornermik misilitsinneq, piviusumik sammisaqarluni suliaqarneq, allattariarsornermik misilitsinneq, kiisalu allattariarsorluni inaarutaasumik suliaqarneq.

Suut eqqumaffigissavakka?

  • Ilinniarneq Niuernermik Ilinniarfimmi (Greenland Business School)-mi pissaaq
  • Atuarneq augustusip aallartinnerani aallartissaaq, qinnuteqarnermullu killigitinneqarpoq martsip aallaqqaataa.
  • Suliffimmik sungiusarfissannik kingusinnerpaamik juunip aallaqqaataani isumaqatigiissuteqareersimassaatit.
  • Atuagarsornerit nalaanni ilinniagaqarnersiuteqartassaatit, paarlattuanilli suliffimmi sungiusaraangavit ilinniartutut , isumaqatigiissutit atuutut malillugit akissarsiaqartassaatit.

Qanoq aallartissaanga?

Ilinniakkamut qinnuteqarneq pisarpoq illoqarfigisanni Majoriami imaluunniit sullissivik.gl-mi

Ilinniagaq pillugu annertunerusumik paasisaqarusukkuit, ilinniakkap aaqqissuussaanera saqqummiussaq takusinnaavat. Aaamma tikilluaqqungaarpatsigit ilinniarnermut aqqutissiuussisutsinnut allagaqarnissannik uunga studievejleder@gbs.gl