AU aningaasaqarneq, isumalluutinillu aqutsineq

Suliffeqarfimmi aningaasatigut aqutsisutut siunnisamik pilersitsigit

Niuernerup aningaasaqarnerullu iluani suliffeqarfimmi ingerlarusuppit? Taamaappat akademi-mi ilinniagaq Aningaasaqarneq, isumalluutinillu aqutsineq ilinnut toqqassallugu tulluartuuvoq.

Sooq AU Aningaasaqarneq, isumalluutinillu aqutsineq-mut atuarneq?

Aningaasaqarnerup isumalluutinillu aqutsinermi ilinniarnerup suliffeqarfimmi aningaasaqarnermik tamakkiisumik takunnissinnaalernissannut piginnaasaqartilissavaatit. Paasisimasaqalissaatit, aningaasaleeriaatsinik assigiingitsuni nalorninartorsiorfinni nalilersuisinnaangornissannik, minnerunngitsumik missingersuutinik suliaqarnermi, ukiumullu naatsorsuutinik nalilersuinermi.

Suliffimmi taaguutigilersinnaasatit ukuusinnaapput, controller, aningaasanik aqutsinermi suleqat, siunnersortilu namminersortoq. Ilinniagaq aqqutigalugu suliffinni assigiingitsorpassuarni, Kalaallit Nunaanni, nunanilu allani sulilersinnaassaatit.

Suna piumasaqaataava AU Aningaasaqarneq, isumalluutinillu aqutsineq -mi aallartinniaraanni?

Aningaasaqarnermi isumalluutinillu aqutsisunngorniarnermi ilinnialerniaraanni, makkua atuarnerit naammassisimassavatit.

  • MERX II
  • Ilinniarnertuunngorsimanissaq Niuernermi aningaasaqarnermilu imaluunniit assigisai.
  • NI1 (Juni 2019-mi atorunnaarpoq)

Piumasaqaatinik qulaani taaneqartunik naammassinnissimanngikkuit, periarfissaqarpoq piginnaasanik nalilersuisoqarsinnaaneranik imaluunniit immikkut akuerisaanermik. Annertunerusumik paasisaqarusukkuit takuuk ilinniakkap aaqqissuussaanera.

AU Aningaasaqarneq, isumalluutinillu aqutsineq sunut aammaassiva?

Ilinniagaq bachelor-itut ingerlaqqinnissamut periarfissiivoq, aningaasaqarneq, isumalluutinillu aqutsineq siunertaralugit.

Suna ilinniassavara?

Ilinniakkap AU Aningaasaqarneq, isumalluutinillu aqutsinerup qitiutippaa Inuussutissarsiorneq, taamaattumillu sammisassat makku ingerlanneqassapput:

  • Inuussutissarsiornermi aningaasaqarneq
  • Kisitsisit atorlugit nalunaarusiorneq
  • Aaqqissuussineq
  • Ilinniarnermi periuseq
  • Inuussutissarsiornermi aningaasaqarnikkut periuseq
  • Aningaasanik aqutsinermi suleriaaseq
  • Ukiumut naatsorsuutit, ukiumullu naatsorsuutinik misissueqqissaarneq
  • Inaarutaasumik suliaq

     

Ilinniagaq qanoq aaqqissuussaava?

Akademi-mik ilinniagaq Aningaasaqarneq, isumalluutinillu aqutsineq aaqqissuunneqarpoq atuagarsorneq, suliffimmilu sungiusarnikkut paarlakaattumik ingerlanneqartarluni.

Ilinniarnerup ukiut affaani marlunni siullerni, Inuussutissarsiornermi aningaasaqarnermi, Naatsorsueqqissaarnermi, Aqqissuussinermi kiisalu periaatsinik sammisanik misilitsittoqassaaq.

Ukiut pingajussaani sisamassaanilu, Aningaasanik aqutsinermi suleriaaseq, Ukiumut naatsorsuutit inerneri, naatsorsuutinillu misissueqqissaarneq, inaarutaasumillu suliaqarneq naammassineqassapput.

Qanoq atuartitsineq ingerlasarpa?

Atuartitsineq atuartitseriaatsinut assigiingitsunut agguagaavoq: Atuartitsineq tiiminut atuartitsiviusunut aggugaavoq, eqimattanut atuartitsineq, oqalugiarnerit, avataaniik saqqummiineq, skema malillugu atuartitsineq, atuarneq, suliaqarluni sulineq- eqimattanngorluni sulineq, nammineq ilinniarneq, ilinniagassalerineq il.il.

Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.

Misilitsinneq qanoq ingerlasarpa?

Ukiup affai tamarmik misilitsinnermik suliakkiinernillu naggaserneqartassapput. Oqaluttariarsornermik allatariasornermillu misilitsinnertaqarput, piviusumik aallaaveqarluni sammisamik suliaqarneq, allattariarsornikkullu inaarutaasumik militsinnertaqarluni.

Suut eqqumaffigissavakka?

  • Ilinniarneq Niuernermik Ilinniarfimmi (Greenland Business School)-mi pissaaq
  • Atuarneq augustusip aallartinnerani aallartissaaq, qinnuteqarnermullu killigitinneqarpoq martsip aallaqqaataa.
  • Suliffimmik sungiusarfissannik kingusinnerpaamik juunip aallaqqaataani isumaqatigiissuteqareersimassaatit.
  • Atuagarsornerit nalaanni ilinniagaqarnersiuteqartassaatit, paarlattuanilli suliffimmi sungiusaraangavit ilinniartutut , isumaqatigiissutit atuutut malillugit akissarsiaqartassaatit.

Qanoq aallartissaanga?

Ilinniakkamut qinnuteqarneq pisarpoq illoqarfigisanni Majoriami imaluunniit sullissivik.gl-mi

Ilinniagaq pillugu annertunerusumik paasisaqarusukkuit, ilinniakkap aaqqissuussaanera saqqummiussaq takusinnaavat. Aaamma tikilluaqqungaarpatsigit ilinniarnermut aqqutissiuussisutsinnut allagaqarnissannik uunga studievejleder@gbs.gl

  • Ilinniarneq aallartissaq augustusimi
  • Qinnuteqarnerlu martsip aallaqqaataanut killeqarpoq
  • Ukiunik marlunnik sivisussuseqarpoq
  • Uddannelsesstøtte-berettiget i skoleperiode
  • Suliffimmi sungiusarnerup nalaani, ilinniartutuut isumaqatigiissutit malillugit akissarsiaqartassaatit.
  • Qinnuteqarneq sullissivik.gl aqqutigalugu
  • Studieordning