AU I HUMAN RESSOURCES
Byg din karriere på at arbejde med den absolut vigtigste ressource
Sulisunik ineriartortitsineq, atorfinititsinerlu suliarissallugit pissaganartuutippigit? Taamaappat akademi-mi ilinniagaq Human ressources toqqassallugu ilinnut tulluartuuvoq.
Sooq AU Human ressources-mut atuarneq?
Akademi-mi ilinniagaq Human Ressources ilinnut tulluartuuvoq, sulisoqarnermi atorfinititsinernik, sulisut sulisoriinnarnissannut, ineriartornissaannullu sullisserusussuseqarluartumut. Ilinniakkap ilisimasaqalersillutillu piginnaasaqalersissavaatit, sulisunik, aaqqissuussinermi, ineriartortitsinermi, siunnersuinermi, allaffissornermi, siumullu isigaluni pilersaarusiornermut.
Suna piumasaqaataava AU Human ressources-mi aallartinniaraanni?
AU Human ressources-mut ilinnialerniaraanni, makkua atuarnerit naammassisimassavatit.
- MERX II
- Ilinniarnertuunngorsimanissaq Niuernermi aningaasaqarnermilu imaluunniit assigisai.
Piumasaqaatinik qulaani taaneqartunik naammassinnissimanngikkuit, periarfissaqarpoq piginnaasanik nalilersuisoqarsinnaaneranik imaluunniit immikkut akuerisaanermik. Annertunerusumik paasisaqarusukkuit takuuk ilinniakkap aaqqissuussaanera.
AU Human ressources sunut ammaassiva?
Ilinniagaq diplom-itut ingerlaqqinnissamut periarfissiivoq
Suna ilinniassavara?
Akademi-mi Human ressources-imi makku, HR-imi sakkut assigiingitsut atuagarsornikkut, sulinikkullu atorsinnaasassatit, kajumilersitsinermut, sulisut sulisoriinarnissaannik, ineriartortinnissaannik taamatitsinissanullu suliniutit atorsinnaanngussavatit. Aammattaaq ilinniassavat, qanoq ilillutit suliffeqarfik sakkut taakku atorlugit ineriartortissinnaanerlugu. Sulinerni periarfissaqalissaatit piginnasavit, sulinermilu pikkorissutsivit misilerarnissaannut.
Sammisat ukuussapput:
- Piginnaasanik ineriartortitsineq
- Atorfinititsineq
- Oqaloqatigiinneq sakkutut
- Sulisoqarnermi inatsisit
- HR-ip ingerlanneqarnera
- Periutsit inuiaqatigiilerinermi ilisimasat
- HR suliffittut
- Inaarutaasumik suliaqarneq
Ilinniagaq qanoq aaqqissuussaava?
AU Human ressources aaqqissuussaavoq atuagarsorneq, suliffimmilu sungiusarnikkut paarlakaattumik ingerlanneqartarluni.
Ukiut affai siulliit marluk, HR suliffittut, Oqaloqatigiinneq sakkutut, HR-ip ingerlanneqarnera, periutsinillu sammisat misilitsiffiussapput.
Ukiup affata pingajussaanni sisamassaannilu, Piginnaasanik ineriartortitsineq, Atorfinititsineq, Sulisoqarnermi inatsisit, inaarutaasumillu suliaqarneq naammassineqassapput.
Qanoq atuartitsineq ingerlasarpa?
AU Human ressources-mi ilinniartutut suliassat ukuupput: ilinniartitsisoqarluni atuarneq, ilinniartitsisoqarani atuarneq, nammineq ilinniartutuut tiimeqarneq, atuarnissamut piareersarneq, sammisanullu allanut peqataanissaq.
Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.
Misilitsinneq qanoq ingerlasarpa?
Sammisat oqaluttariarsornermik misilitsinnermik naggaserneqassapput, piviusumik sammisaqarluni suliaqarnerit, kiisalu allattariarsorluni inaarutaasumik suliaqarneq.
Suut eqqumaffigissavakka?
- Ilinniarneq Niuernermik Ilinniarfimmi (Greenland Business School)-mi pissaaq
- Atuarneq augustusip aallartinnerani aallartissaaq, qinnuteqarnermullu killigitinneqarpoq martsip aallaqqaataa.
- Suliffimmik sungiusarfissannik kingusinnerpaamik juunip aallaqqaataani isumaqatigiissuteqareersimassaatit.
- Atuagarsornerit nalaanni ilinniagaqarnersiuteqartassaatit, paarlattuanilli suliffimmi sungiusaraangavit ilinniartutut , isumaqatigiissutit atuutut malillugit akissarsiaqartassaatit.
Qanoq aallartissaanga?
Ilinniakkamut qinnuteqarneq pisarpoq illoqarfigisanni Majoriami imaluunniit sullissivik.gl-mi
Ilinniagaq pillugu annertunerusumik paasisaqarusukkuit, ilinniakkap aaqqissuussaanera saqqummiussaq takusinnaavat. Aaamma tikilluaqqungaarpatsigit ilinniarnermut aqqutissiuussisutsinnut allagaqarnissannik uunga studievejleder@gbs.gl
- Ilinniarneq aallartissaq augustusimi
- Qinnuteqarnerlu martsip aallaqqaataanut killeqarpoq
- Ukiunik marlunnik sivisussuseqarpoq
- Uddannelsesstøtte-berettiget i skoleperiode
- Suliffimmi sungiusarnerup nalaani, ilinniartutuut isumaqatigiissutit malillugit akissarsiaqartassaatit.
- Qinnuteqarneq sullissivik.gl aqqutigalugu
- Studieordning
