BA Aningaasaqarneq, isumalluutinillu aqutsineq

(u.au)

Siunissami aningaasaqarnermi, naatsorsuinermi, aningaasalersuinermilu sakkussatut atugassat tamarmik (ilalaarlugillu)…

Pilersitserusuppit ilisimasatigut piginnaasatigullu niuernerup iluani, pilerisaarinermi, aqutsinermi, aaqqissuussinermi, suleqatigiinnermilu toqqammavimmik qajannaatsumik? Ilisimasaqarnerillu sammisanik toqqangassanik nutaanik ilaartorusuppigit, soorlu ineriartortitsineq, e-business imaluunniit nutaaliorneq? Taava BA Aningaasaqarneq, isumalluutinik aqutsineq qularnaatsumik ilinnut tulluarpoq.

Sooq BA Aningaasaqarneq, isumalluutinillu aqutsineq-mut atuarneq?

Aningaasaqarneq, isumalluutinillu aqutsineq Bachelor ilinnut tulluartuuvoq, ilinnut naatsorsuuserinermuk, aningaasanik aqutsinermut, aningaasaliinermillu ingerlaqqikkusuttumut. Ilinniakkamilu soorlu, qanoq ililluni aaqqissuussineq, piareersaanerlu atorlugit, suliffinnik, aningaasaqarnernillu ingerlalluartunik ilinniarsinnaavutit.

Suliamik ilisimasaqarluarnerup itisileernissaa pillugu, toqqaannaq atorsinnaasumik, kisianni aamma ilinniagaq immikkut ittunik soqutiginartunik toqqarneqarsinnaasunik neqerooruteqarmat.

Suna piumasaqaataava BA Aningaasaqarneq, isumallutinillu aqutsineq-mut aallartinniaraanni?(AU)

BA Aningaasaqarneq, isumalluutinillu aqutsineq-mi ilinniakkamut allartinniaruit, ilinniakkat ukua naammasisimasariaqarpatit:

  • MERX II
  • Ilinniarnertuunngorsimanissaq Niuernermi aningaasaqarnermilu imaluunniit assigisai.

Piumasaqaatinik qulaani taaneqartunik naammassinnissimanngikkuit, periarfissaqarpoq piginnaasanik nalilersuisoqarsinnaaneranik imaluunniit immikkut akuerisaanermik. Annertunerusumik paasisaqarusukkuit takuuk ilinniakkap aaqqissuussaanera.

BA Aningaasaqarneq, isumalluutinillu aqutsineq sumut ammaassiva?

Ilinniagaq kandidat-itut ingerlaqqinnissamut periarfissiivoq, imaluunniit kandidat-inut ingerlaqqinnissanut sivikillisaanermut atorneqarsinnaalluni.

Suna ilinniassavara?

BA Aningaasaqarneq, isumalluutinillu aqutsineq-lu inuussutissarsiorneq qitiutippaa, ukualu sammisassat pissarsiarissallugit:

  • Aningaasaqarneq, isumalluutinillu aqutsineq
  • Aqutsineq, aaqqissuussineq, suleqatigiinerlu
  • Inatsisilerineq
  • Niuerneq pilerisaarinerlu
  • Periutsit, suliallu ataatsimut akimorlugit suliat
  • Sammisat toqqangassat (soorlu, Nutaaliorneq, ineriartortitsineq amma E-Business, Business Ethics, Aqutsineq Kalaallit Nunaanni ingerlanneqartoq)
  • Sulliffimmik sungiusarneq
  • Naggataarutaasumillu sammisamik suliaqarneq

Sammisat suliffimmik sungiusarnermik ilaqassapput, ilinniagarlu naggaserneqassaaq bachelor-imut sammisamik suliaqarnermik.

Ilinniagaq qanoq aaqqissuussaava?

BA Aningaasaqarneq, isumalluutinillu aqutsineq ukiup affaata missaani sivisussusilinni arfineq marlunni ingerlanneqartarpoq, ukiunullu pingasuni affarmilu ingerlanneqartarluni. Ilinniakkap ingerlanerani suliffimmik sungiusarneq ataaseq, sammisamillu suliaqarnermik ataatsimik imaqarluni.

Qanoq atuartitsineq ingerlasarpa?

Atuartitsineq tiiminut aggugaavoq, eqimattani atuartitsineq, oqalugiartitsinerit, avataaniik saqqummiinerit, skema malillugu atuartitsineq, atuarneq, suliaqarneq, eqimattanngorluni sulineq, nammineq ilinniarneq, ilinniagassalerineq il.il.
Ilinniartitsinerup ilarujussuaq paasiuminartunngorlugu suliaavoq. Sulianik assersuusiorluni, sammisanillu ulluinnarni pisartunik piusunik aallavilinnik suliaqartassaatit, taamaasillunilu siunissamik suliffigilerumaakkannut piareersarneqassaatit.

Ilinniarnerup ilaa qarasaasiakkut ingerlanneqartarsinnaavoq. Aammattaaq ilinniarnerup ilaa nunani allani ingelanneqartarsinnaalluni, taamaasiornermilu sivikillisaanermik kinguneqarsinnaalluni.

Suliffimmi sungiusarneq, suliffimmik sungiusarfimmi ataatsimi akuerisami Kalaallit Nunaanni imaluunniit nunani allani ingerlanneqartassaaq.

Misilitsinneq qanoq ingerlasarpa?

Ukiup affai tamarmik misilitsinnermik suliakkiinernillu naggaserneqartassapput. Oqaluttariarsornermik misilitsinnerusinnaapput, allattariarsornerullutik, sammisamik suliaqarnerullutik, sungiusarnermilu nalunaarusiornerullutik.

Suut eqqumaffigissavakka?

  • Ilinniarneq Niuernermik Ilinniarfimmi (Greenland Business School)-mi pissaaq
  • Atuarneq septembarip aallartinnerani aallartissaaq, qinnuteqarnermullu killigitinneqarpoq martsip aallaqqaataa.

Qanoq aallartissaanga?

Ilinniakkamut qinnuteqarneq pisarpoq illoqarfigisanni Majoriami imaluunniit sullissivik.gl-mi

Ilinniagaq pillugu annertunerusumik paasisaqarusukkuit, ilinniakkap aaqqissuussaanera saqqummiussaq takusinnaavat. Aaamma tikilluaqqungaarpatsigit ilinniarnermut aqqutissiuussisutsinnut allagaqarnissannik uunga studievejleder@ninuuk.gl-mut.