AU Aningaasanik aqutsineq aamma isumalluutinik aqutsineq
Suliffeqarfimmi aningaasatigut aqutsisutut siunnisamik pilersitsigit.
Niuernerup aningaasaqarnerullu iluani suliffeqarfimmi ingerlarusuppit? Taamaappat akademi-mi ilinniagaq Aningaasaqarneq, isumalluutinillu aqutsineq ilinnut toqqassallugu tulluartuuvoq.
Sooq Aningaasaqarnermik Isumalluutinillu Aqutsinermik ilinniassaanga?
Aningaasaqarnerup isumalluutinillu aqutsinermi ilinniarnerup suliffeqarfimmi aningaasaqarnermik tamakkiisumik takunnissinnaalernissannut piginnaasaqartilissavaatit. Paasisimasaqalissaatit, aningaasaleeriaatsinik assigiingitsuni nalorninartorsiorfinni nalilersuisinnaangornissannik, minnerunngitsumik missingersuutinik suliaqarnermi, ukiumullu naatsorsuutinik nalilersuinermi.
Suliffimmi taaguutigilersinnaasatit ukuusinnaapput, controller, aningaasanik aqutsinermi suleqat, siunnersortilu namminersortoq. Ilinniagaq aqqutigalugu suliffinni assigiingitsorpassuarni, Kalaallit Nunaanni, nunanilu allani sulilersinnaassaatit.
Ilinniagaq bachelor-itut ingerlaqqinnissamut periarfissiivoq, aningaasaqarneq, isumalluutinillu aqutsineq siunertaralugit.
Atuartitsineq qanoq ingerlasarpa?
Atuartitsineq atuartitseriaatsinut assigiingitsunut agguagaavoq: Atuartitsineq tiiminut atuartitsiviusunut aggugaavoq, eqimattanut atuartitsineq, oqalugiarnerit, avataaniik saqqummiineq, skema malillugu atuartitsineq, atuarneq, suliaqarluni sulineq- eqimattanngorluni sulineq, nammineq ilinniarneq, ilinniagassalerineq il.il.
Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.
AU i Økonomi og ressourcestyring har fokus på erhvervslivet, og du får følgende fag: Erhvervsøkonomi, Statistik, Organisation, Studieteknik, Erhvervsøkonomisk metode, Økonomistyring i praksis, Årsrapport og regnskabsanalyse og Afgangsprojekt.
Paasissutissat
Sivisussuseq: Semesterit 4
Qinnuteqarfissamut killigititaq: Martsip aallaqqaataa
Ilinniakkap aallartinnissaa: Aggustusi
- Ukiunik marlunnik sivisussuseqarpoq
- 120 ECTS
- Ilinniagaqarnersiuteqarfiuvoq
- Suliffimmik misiliinerup nalaani ilinniartutuut isumaqatigiissutit malillugit akissarsiaqartassaatit.
- Qinnuteqarneq sullissivik.gl aqqutigalugu
Ilinniakkap aaqqissuussaanera
Akademi-mik ilinniagaq Aningaasaqarneq, isumalluutinillu aqutsineq aaqqissuunneqarpoq atuagarsorneq, suliffimmilu sungiusarnikkut paarlakaattumik ingerlanneqartarluni.
Ilinniarnerup ukiut affaani marlunni siullerni, Inuussutissarsiornermi aningaasaqarnermi, Naatsorsueqqissaarnermi, Aqqissuussinermi kiisalu periaatsinik sammisanik misilitsittoqassaaq.
Ukiut pingajussaani sisamassaanilu, Aningaasanik aqutsinermi suleriaaseq, Ukiumut naatsorsuutit inerneri, naatsorsuutinillu misissueqqissaarneq, inaarutaasumillu suliaqarneq naammassineqassapput.
AU-mi Aningaasaqarnermi Isumalluutinillu Aqutsisunngornialernissami suut piumasaqaataappat?
Aningaasaqarnermi isumalluutinillu aqutsisunngorniarnermi ilinnialerniaraanni, makkua atuarnerit naammassisimassavatit.
- MERX II
- Ilinniarnertuunngorsimanissaq Niuernermi aningaasaqarnermilu imaluunniit assigisai.
- NI1 (Juni 2019-mi atorunnaarpoq)
Piumasaqaatit naammassisimanngikkukkit immikkut akuerisaanissamik periarfissaqarputit. Piginnaasatigut misilitsinnermi immikkulluunniit akuerisaanermi. Paasisaqarnerorusukkuit tunngaviusumik sammisassat takujuk.
Ukiup affai tamarmik misilitsinnermik suliakkiinernillu naggaserneqartassapput. Oqaluttariarsornermik allatariasornermillu misilitsinnertaqarput, piviusumik aallaaveqarluni sammisamik suliaqarneq, allattariarsornikkullu inaarutaasumik militsinnertaqarluni.
Qanoq aallartissaanga?
Ilinniakkamut qinnuteqarneq, najukkami Majoriaq imaluunniit sullissivik.gl aqqutigalugit pisarpoq. http://sullissivik.gl.
Ilinniagaq pillugu annertunerusumik paasisaqarusukkuit, paasissutissat ilinniakkap aaqqissuussaanera pillugu saqqummiussaq takusinnaavat. Aammali tikilluaqqungaarpatsigit ilinniarnermut aqqutissiuussisutsinnut allagaqarnissannut uunga studievejleder@gbs.gl.
Suut eqqumaffigissavakka?
- Atuarneq Greenland Business Schoolimi (Niuerneq Ilinniarfimmi) Nuummi ingerlanneqassaaq.
- Atuarneq aggustusi aallartisimalernerani aallartissaaq, qinnuteqarnermullu killigitinneqarpoq martsip aallaqqaataa.
- Suliffimmik sungiusarfissannik kingusinnerpaamik juunip aallaqqaataani isumaqatigiissuteqareersimassaatit.
- Ilinniarnerup ingerlannerani ilinniarnermusiaqarsinnaavutit, suliffimmilu misiliinerni isumaqatigiissutit malillugit akissarsiaqartinneqassallutit.