Arbejdsmiljø
SULIFFIK ATUGARISSAARFIUSOQ
SULIAMIK INGERLATSIFFIULLUARTOQ ATAATSIMOORFIUSORLU
Kulturi sulisunik atugarissaartitsilersoq GBS-imi atorparput – suliamik ingerlatsinermi ataatsimoorluarnermilu. Suliffiorusuppugut pilerineqartoq, suliamik ingerlatsinermi avatangiiserissaarfiusoq, sullivimmi avatangiiserissaarluni suliffigineqarusuttoq sulisunillu pikkorissunik sulisoriinnarfiusoq, ineriartortitsiviusoq assigiinngissusernillu inissaqartitsiviusoq.
Naleqartitat sulinermik nuannarinnilertitsisut
Sulinermik nuannarisaqarnerup pitsaassutsillu ingerlaqatigiittarnerat upperaarput. Taamaammat toqqissisimanartumik inissaqartitsiviusumillu sullivimmi avatangiiseqarnissaq pingaartipparput, tassani ataqqineqarluni, suliamik ingerlatsinermi isumasiueqateqarnissamut periarfissaqarluni aamma sulineq suliffiullu avataani inuuneq oqimaaqatigiilluarlutik.
Sulisutut pingaartinneqarnissaq ilinniarfiullu ineriartorneranut tapersiinissamut periarfissaqarnissaq pingaartippagut. Suliamik ingerlatsivik angusaqarfiulluarniarneqartarpoq, tamatigulli alapernaannissaq, ulluinnarnilu tapersersuinissamut inissaqarluni. Suleqatigiilluni ataatsimoorneq sulinermi maligassiuiffiusarpoq pingaaruteqartoq – tamanna assersuutigalugu ataatsimut aaqqissuisarnikkut Quassussarnullu amerlasuut aalajangersimasumik ileqqorisaannik sapaatit akunikkaartumik pisuttuartarnitsigut ingerlattarparput.
Isumaqarpugut sullivimmi avatangiiserissaarneq tatiginninnermik, ataqqinninnermik oqimaaqatigiissitsinermillu tunngaveqarpoq. Suliamik ingerlatsilluarneq, suleqatigiinneq atugarissaarnerlu GBS-imi inissaqartinneqarput – ullut tamaasa.
Sullivimmi avatangiisinik ingerlaavartumik pitsanngortitsisarneq
Suliniutitigut soorlu ukiumoortumik MTU (sulisut atugarissaarnerannik misissuineq) aamma APV-mik ingerlatsineq (suliffimmik nalilersuineq) atorlugit sullivimmi avatangiisit atugarissaanerullu pitsanngortinnissaat ingerlaavartumik suliniutigisarpagut.
MTU-mi APV-milu paasisanik eqikkaaneq takussutissiorluni nalunaarusiami sulisut atugarissaarnerannik sullivimmilu avatangiisinik misigisaqarnerannik takutitsiviusumi takusinnaavatit.
Tamassuma saniatigut APV pillugu 2025-mit 2028-mut periusissiarput suliffiup ukiuni aggersuni tamani suli pitsaanerulernissaanik ingerlaavartumik suliniuteqarnitsinnik allaaserinniffiusoq pissarsiarisinnaavat.