PITSAASSUTSIMIK NAJOQQUTAQARNEQ
Uagut ilinniarfeqarfitsinni pitsaassutsip qulakkeernissaa inerisartuarnissaalu pillugit sulinerput aallaaveqarpoq. Kalaallit Nunaanni ilinniagaqassutsip pitsaassuseqarluarnissaanut anguniagaq naapertorlugu pitsaassutsimik eqqarsarnerput tunngaveqarpoq, aammalu kikkunnut tamanut pitsaassusilimmik isumaqarluartumillu kultooreqartitsinissamut anguniakkamut taamaliornitsivut tapersiilluta. Siunertarigatsigu nunat allat pitsaassutsimik uuttuutaat assigalugit, uani ilinniartitsinermi, nalilersuisarnermi pitsaassutsinillu qulakkeerinnittarnermi, ilinniakkanik neqeroorutitsinni tamani anguniagassittarnissarput.
Ilinniakkat inuiaqatigiit iluanni nunanilu allani
atorneqarsinnaasut
Ilinniartuutitta iluarusunnissaat, piginnaasaqarlualernissaat suliffeqarfinnullu allanngorartuartunut appakaassinnaanngorluarnissaat angorusupparput – Danmarkimi nunanilu allani. Taamaammallu ilinniakkat neqeroorutigisagut siammasissumit akuerineqarnissaat anguniakkatsinniittuartarpoq, taamaalilluni ilinniakkat allanut ilinniarfinnut nuussinnaanissaannik periarfissiisinnaanissaq, ilinniakkamik qaffassarnissamut periarfissiisinnaanissaq nunanilu allani ilinniagartik atorlugu atorfeqarsinnaalernissaat angusinnaaniassagatsigit.
Sulinermi pitsaassuseqarluartumik kultooreqarneq
Pitsaassuseqarluartumik kultooreqalernissamut suliniuteqarnerput ingerlatileruttorparput, tassani naliliisarnerit, malitseqartitsisarnerit oqalliseqateqartarnerit ulluinnanngortinnissaat anguniagaralutigit. Tamanna ilinniartut, ilinniartitsisut sullitallu – soorlu sulinermut misilittaaffiusartut imaluunniit ilinniartuutikugut - qanimut suleqatiginerisigut angujartuaarneqassalluni. Anguniagaq tassaavoq ataatsimoorussamik pitsaassutsip paasineqarnissaanik suliniarnissaq aammalu saniatigut kultoori ilinniarnermi atugaqarluarnissamut qulakkeerinninnissamut suleqatigiiffiusoq, tassani tamatta anguniakkap anguniarnerani pitsannguutissanik suleqatigiinnitsivut angujartuaarneqassalluni.
Taassumap angujartuaarnerani ilinniarfeqarfimmut attuumassusilinnit tamanit – uani ilinniartut, ilinniartitsisut, ilinniakkamik naammassinnittut suliffeqarfiillu aallartitaasa - ilisimasaat misilittagaallu aaqqissuussamik suliniarnitsinnut ilanngunneqartassapput. Taamaaliorneq uummaarissuseqartumik oqallitsitsiffiusumillu aallaaveqartumik suleriuseqartitsissaaq ilinniagassaatigullu naleqquttuullutillu ullutsinnimut tulluartuunissaat taamaasillutik anguneqarsinnaalissallutik.
Aaqqissuussamik nangitseqartitsisoqartalernissaa ilaatigut imatut sulissutigivarput:
- Ilinniartut ilinniartinneqarnerminnik, ilinniakkaminnik ilinniartutullu avatangiiserisaat pillugit naammagisimaarinninnissaat
- Ilinniartitsisut suliaminnut pikkorissusaannik pædagogiannillu inerisaaneq
- Ilinniartuutikutta pikkorissusaannik atorfinitsitsisut nalilersuisarnissaat
Pitsaassuseq imak
suliniutigivarput
Ilinniarfeqarfiup pitsaassusilimmik najoqqutaqarnera kalaallit naleqartitaannit aallaaveqarpoq, ukuninnga tallimanik ilisarnaatilikkanik:
Taakku ilisarnaatit ilinniarfeqarfiutitsinnik inerisaajuarusunnitsinnik anguniakkatsinnut toqqammaviliipput, ilinniartuutitta suliffinnut allanngorartuartunut piareersimanissaannut aammalu naleqartumik inuiaqatigiinnut akulerunnissaannut tapertaalluartussaallutittaaq.
- Inuiaqatigiinnut naleqquttoq ilisimatussutsikkullu aallaaveqarneq
- Isumassarsinartoq
- Aaqqissuulluagaq ilinniakkatullu unammillernartoq
- Ilinniartut peqataatinnerisigut pitsaassutsimik qulakkeerinnittoq
- Toqqissisimatitsisunik tapersersuisunillu ilinniarnermi avatangiiseqartitsineq
Pitsaassuseq imak suliniutigivarput
Taakku ilisarnaatit kalaallit naleqartitaanniittut tallimat angutserumallugit ukuninnga pingasunik aaliangersimasunik ukkataqarinnippugut:
Qaffasissuseq, imarisaa aaqqissuunneqarneralu
Ilinniartitaanerit aaqqissuussaalluarnissaat imarisamikkullu isumaqarluarnissaat qulakkeertarparput. Unammillernarlutillu kajumissuseqalersitsisassapput – taamaattumillu aamma isumassarsinarlutillu ilikkagaqarnarluartassallutik.
Suliat pitsaassusillit inuiaqatigiinnullu attuumassusillit
Ilinniarfeqarfiutitta maannakkut pisunut suliffeqarfiillu piumasaannut tulluartuunissaat qulakkeerumallugit ataavartumik ilinniartuutitsinnik, ilinniartitsisunik akorsisussanillu oqaloqatiginnittarnitsivut naleqqussaanigut ingerlattarpavut.
Ilisimatussutsikkut sanngisuumik aallaaveqarneq aammalu akuutitsineq
Ilinniartitsinerput ilisimatusarnernit sulinerniillu paasisanit kingullernit aallaaveqartarpoq – uagullu pitsaassutsimik qulakkeerinninniarluta suliniuteqarnitsinni ilinniartut peqataatinneqarnerat aalluttarparput, taamaalilluta ilinniarneq toqqissisimanartoq, tapersersuisoq akuutitsisorlu qulakkiissagatsigit.
Tamanna uummaarilluartumik oqallitsitsiffiusumillu tunngaveqartumik kultooreqalernissamut anguniagaqarnitsinnut tapertatut ingerlapparput, ingerlaarnitsinnilu pitsannguutissat peqatigiinnitsivut ataatsimoorluta inerisartarlutigit.
Pitsaassutsimut qulakkeerinninniarluni suliniuteqarnermut
paasisassat
Pitsaassutsimik qulakkeerinninniarluta suliniuteqarnerput ammasumik ingerlakkumavarput. Taamaattumillu qitiusumik angusagut katersornikuuagut, makkuninnga paasissutissikkumallutit:
- Ukiumoortumik ilinniarfiup avatangiiserisaanik aammalu atugarissaarnermik misissuinitsinni angusarisimasat
- Kisitsisit GBS-imut tunngassutillit immikkut toqqakkat
Se oversigten her:
Taperseeqataarusuppit?
Suliffinnik misiliisitsisarlutit suliffeqarfiuit, ilinniakkamik uatsinni naammassinninnikuuit imaluunniit allatut ilinniartuutigisimasatsinnik arlaatigut attuumassuteqarfigivitigut? Taava tusarfigerusuttorujussuuatsigit.
Pitsaassutsimik suliniutitsinnut ataqatigiissaarisorput Louisa Haugaard Pedersen una aqqutigalugu saaffigiuk lohp@gbs.gl . Illit ilisimasatit misilittakkatillu ilinniarfeqarfitta inerisarnissaannut pingaaruteqarluinnarput. lohp@gbs.gl.