Greenland Business School-ip ataqatigiineq nukittorsarpaa Nuuk Snow Festival-imi.
Greenland Business School-ip aammarluni takuteeqippaa eqeersimaarnini, ataqatigiinnerullu anersaava ukioq manna Nuuk Snow Festival-imi. Atuarfik ullut sisamat atorlugit peqataavoq, taamaasillunilu Greenland Business School-ip takutippaa atuarnerinnaangitsoq, aammali inuiaqatigiinni pisoqartillugu peqataasinnaaneq.
Nuutoqqami kusanarluinnartumik ilusilersorneqarpoq arfeq, ilisarnaatinngortoq anersaaq immikkuullarissoq Greenland Business School-imut sunniuttoq. Ilusilersugaq miiterinik pingasunik portussusilik, sanimullu aamma taamatut silissusilik atuarfimmi sulisunut suleqatigiisitsivoq.
Ataatsimoorussamik suliaq
Dagmar Eghøj, atuarfimmi kvalitetsmedarbejder-ip misigisaq allaaseraa nuannersutut oqaatigalugulu eqimattat aqqaneq marluullutik suleqatigiillutik arfeq assiliaq malillugu suliarisimallugu.
Unamminermut sumiiffik apeqqutaasimanngilaq. Ataatsimoorlunili nuannaarneq ataatsimoornissamut nukittorsaataasimalluni. Peqataasut unamminerminni kissaatigisimavaat misigisaqarnissaq, tamarmik tulluusimaarutigisinnaasartik, tamannalu piviusunngorsimavoq.
”Suleqatigiissinnaanerput takutipparput. Pingaartuusimavoq oqaloqatigiittuaannarnissarput, taamaasilluni tamarmik nalunnginniassammassuk suna pilersaarutaanersoq, tamarmillu piginnaasatik atorniassammasigit. Piffiup ilaani uanga arferup qaanut miloriunneqarpuga, suleqatimmalu toqqissisimatippaanga. Tummeqqat tigummivaat, upummut skonik aalliuppaanga qiimmassarlugalu, ” Dagmar oqaluttuarpoq.
Siunissami Greenland Business School peqataajuaannassaaq, taamaasilluni ataatsimoornermi anersaaq peqataasarnissarlu nukittorsarneqartassammata, ataatsimoorfiup iluani imaluunniit silataani. Nuuk Snow Festival-imut peqataanerat atuarfiup sorpassuarnik iliuuseqartarnerpassuisa ilamininnguaraat, ilinniarnerup inuiaqatigiinnilu ilaajuaannartussaq.