AU ilinniakkami Digitaliseeriineq Qarasaasialerinermilu Ingerlatsineq
Suliffeqarfiit peqatigiiffiillu digitalinngorsaanerini toqqissisimatikkit
Qarasaasialerinermik soqutigisaqarpit, immaqalu suliaqarnermi aqutsisutut, siunnersortitulluunniit eqqarsaateqarlutit? Taamaappat akademi-mi ilinniagaq digitalesering, qarasaasiamillu ingerlatsineq toqqassallugu periarfissaalluarpoq.
Akademimi ilinniakkami Digitaliseeriineq, qarasaasialerinermilu ingerlatsineq sooq ilinniarfigissavara?
Akademi-mi ilinniakkami Digitaliseeriineq, qarasaasialerinermilu ingerlatsinermi, paasinnilernissannut piorsarneqassaatit, qanoq qarasaasiap digitaliseeriinermi, pisariillisaanermi, ingerlaarfiit eqqarsaatigeqqinnerini, kiisalu suliffimmi suleriaatsigut atorneqartarneranik piareersarneqassallutit.
Suliffeqarfiullu sinaakkusersorneqarneranut, piumasaqaateqartitsineranullu isumannaatsumik qarasaasiakkut ingerlatsinermut peqataassaatit, cloud, kiffartuussinerillu atortinneqarnerat qitiutinneqassaaq.
Minnerunngitsumik suliffeqarfimmi sulianik immikkut ittunik suliani ilinniartinneqassaatit, ulluinnarni suliffeqarfiup atortuinik atuinermik ingerlatsinermi aammalu digitaliusumik sanaat, suliarineqarneranilu ineriartortinneqarnerani suleqataassaatit.
Sulinermi taagutit ukuusinnaapput: digitaliseeriinermi sulisoq, Qarasaasialerinermi sulisoq, digitaliseeriinermi ataqatigiissaarisoq imaluunniit siunnersorti.
Atuartitsineq qanoq ingerlasarpa?
Atuartitsineq tiiminut aggugaavoq, eqimattani atuartitsineq, oqalugiartitsinerit, avataaniik saqqummiinerit, skema malillugu atuartitsineq, atuarneq, suliaqarneq, eqimattanngorluni sulineq, nammineq ilinniarneq, ilinniagassalerineq il.il.
Ilinniarnerup ilaa suliffimmi sungiusarluni ingerlanneqartarpoq, Kalaallit Nunaanni, nunanilu allani ingerlanneqartarluni. Angalanermi aningaasartuutit ilinniarfimmiik suliffimilu sungiusarfimmiit akilerneqassapput, takukkit inatsit atuuttut.
Paasissutissat
Sivisussuseq: Semesterit 4
Qinnuteqarfissamut killigititaq: Martsip aallaqqaataa
Ilinniakkap aallartinnissaa: Aggustusi
- Ukiunik marlunnik sivisussuseqarpoq
- 120 ECTS
- Ilinniarnerup ingerlanerani ilinniarnermusiaqartoqarsinnaavoq
- Suliffimmik misiliinerup nalaani ilinniartutuut isumaqatigiissutit malillugit akissarsiaqartassaatit.
- Suliffimmik misiliiffissamik piumasaqaateqarpoq
- Qinnuteqarneq sullissivik.gl aqqutigalugu
Ilinniakkap aaqqissuussaanera
AU i Digitalisering og It-drift er delt op så der veksles mellem undervisning og praktik.
Ilinniarnerup ingerlanerani ukiup affaani siullermi aappaanilu, Tunngaviusumik paasissutissiinermut teknologimi, Program-iliornermi, Cloud, Database-mi, Qarasaasialerinermilu isumannaallisaanermi aammalu sammisanilu periutsini misilitsittoqassaaq
Ukiullu affaata pingajussaanni sisamassaannilu automatiseeriineq, assigiingitsunillu qarasaasiami pisuni pilersitsineq, Internet of Things, kiisalu inaarutaasumik suliaq naammassineqassapput.
AU Digitaliseeriineq Qarasaasialerinermilu Ingerlatsineq ilinniarfigilissagaanni suut piumasaqaataappat?
Uku angusiffigisimasariaqarpatit:
- MERX II
- Ilinniarnertuunngorsimanissaq Niuernermi aningaasaqarnermilu imaluunniit assigisai.
Ilinnialernissamullu piumasaqaatit taaneqartut eqquutsissimangikkukkit, periarfissaqarputit piviusumik piginnaasanik nalilersuiffigineqarnissamik imaluunniit immikkut akuerineqarsinnaanissamik. Takuuk ilinniakkap aaqqissuussaanera atuuttoq, annertunerusumik paasisaqarusukkuit. Ilinniakkap aaqqissuussaanera paasissutissat sukumiinerusut.
Qanoq aallartissaanga?
Ilinniakkamut qinnuteqarneq, najukkami Majoriaq imaluunniit sullissivik.gl aqqutigalugit pisarpoq. http://sullissivik.gl.
Ilinniagaq pillugu annertunerusumik paasisaqarusukkuit, paasissutissat ilinniakkap aaqqissuussaanera pillugu saqqummiussaq takusinnaavat. Aammali tikilluaqqungaarpatsigit ilinniarnermut aqqutissiuussisutsinnut allagaqarnissannut uunga studievejleder@gbs.gl
Suut eqqumaffigissavakka?
- Atuarneq Greenland Business Schoolimi (Niuerneq Ilinniarfimmi) Nuummi ingerlanneqassaaq.
- Atuarneq aggustusi aallartisimalernerani aallartissaaq, qinnuteqarnermullu killigitinneqarpoq martsip aallaqqaataa.
- Suliffimmik sungiusarfissannik kingusinnerpaamik juunip aallaqqaataani isumaqatigiissuteqareersimassaatit.
- Ilinniarnerup ingerlannerani ilinniarnermusiaqarsinnaavutit, suliffimmilu misiliinerni isumaqatigiissutit malillugit akissarsiaqartinneqassallutit.