Suliffeqarfinnut
Nunarsuaq periarfissaqarluartoq
Greenland Business School isumaqatigiinneq eqqarsaatigissagaanni suliffeqarfiit assigiinngitsorpassuit pineqarput.
Suliffeqarfiit ilisimasanut nutaanut atassuserneqarnissaanut ilinniaqqinneq aqqutigalugu periarfississinnaavarput, pikkorissarnerit tulluussakkat aqqutigalugit imaluunniit suliffimmi ilinniartumik atorfinitsitsinikkut, kiisalu siunnersortitut aaqqissuussaqarnikkut sunniuteqarsinnaanerit qulakkeersinnaallutigu.
Suliffimmik misiliisussarsigitsi
Aamma illit suliffeqarfinni piginnaasat nutaarluinnaat piginissaannut atorfinitsitserusuppit?
Suliffeqarfiit isiginnittariaatsimik nutaamik pilersitsisinnaasumik pisariaqartitsiva? Suliffimmik misiliisussarsigitsi ilissinnut tulluartumik.
Ilinniarfissanik arlalinnik suliffimmik misiliinertalinnik peqarpugut. Illit suliffeqarfiit uagullu ilinniartuutitsinnut tulluartumik nassaarnissaq anguniagaraarput. Taamaattumik attaveqaqatigiilernissamik periarfissiinissamik naapinnissamut aggersarusuppatsigit, tassani ilinniartut assigiinngitsunik sammivillit akornanni ilissinnut tulluartumik nassaarsinnaavusi.
Suliffeqarfippit suliffimmik misiliiffissatut akuerineqarnissaanik qinnuteqarsinnaalereerputit, assersuutigalugu AU-mi ilinniartumik suliffissinni misiliisinnaasumik peqarsinnaalerlusi.
Ilinniagaq sorleq, ilinniarnermullu sammivik sorleq ilissi suliffeqarfissinnut ilinniartuuteqarfigissallugu tulluarnerpaanersoq isumassarsiorfigerusukkukku ilinniakkat assigiinngitsut pillugit atuagassiami paasisaqarnerusinnaavutit. Sulisunittaaq pikkorissunik sulisoqarpugut, taakkulu ilinnut ikiuissallutik piareersimapput, tikilluaqqusaavutillu attaveqarnissamut.
Suliffeqarfiit suliffittut misiliiffissatut akuerineqarnissaanut piumasaqaatit sukumiinerusut atuarsinnaavatit. Aalajangersimasunik piumasaqaateqarsinnaavoq ilinniarfinnillu nassuiaatitaqarsinnaalluni. Taakku ilinniakkat sammiviini aalajangersimasuni takuneqarsinnaapput.
”Atuarfiup ilisarnaatigaa inuussutissarsiornerup inuiaqatigiillu iluini pisariaqartitaasut aallaavigalugu tunniussisinnaasarmata”
Brian Buus Pedersen
Sulisitsisuni siornatigut Pisortaaneq
Suleqatigiissutaasinnaasut assigiingitsut
Inuussutissarsiornermi pisut sunniuteqaqataaffigikkit
Suliffeqarfittut Greenland Business School suleqateqarnissamut assigiinngitsunik periarfissippatsigit, matumani isumaqaratta ilissinnut ilinniartumullu taamatut pissarsiaqarnarnerpaassasoq. Ilinniartitsinitsinni anguniagarput tassaavoq ilisimasat piviusullu ataqatigiississinnaanissaat.
Ilaatigut atuagassanik saqqummiinerit, avataanit ilinniartitsisut, suliniutinik allagaqarnerit, siunnersortitut aaqqissuussinerit neqeroorutigaagut. Siunnersortitut suliffeqarfimmit ilinniartutut tamanna neqeroorutigineqassaaq.
Avataanit saqqummiiartortut
Uummammioqarpit?
Kalaallit Nunaanni Niuernermik ilinniarfimmi avataanit ilinniartitsiartortutut inuussutissarsiornermi pisut nutaat pillugu saqqummiiartornissamut periarfissaqarputit. Tamannarpiarlu sammivik ilinniartunut atuagarsornerminngaanniit sulinermi ikaarsaariarnissamut ataqatigiissaarinissamullu ilassuteqaataalluarsinnaavoq.
Taamattaaq siunissami sulisorilerumaakkat ilaat oqaloqatiginissaat periarfissaqarfigivat.
Paasissutissat sukumiinerusut soorlu ilinniartitsinermi saqqummiinerup sivisussusaa kingusinnerusukkut isumaqatigiissutigisinnaavarput. Soqutiginnikkuit mailerlutit allagaqarnissamut tikilluaqqusaavutit uunga ninuuk@ninuuk.gl gbs@gbs.gl.
Suliniummik allaaserinninneq
Isumassarsianik nutaanik pisariaqartitsivit?
Misilittakkagut aallaavigalugit suliffeqarfinnut isiginnittariaatsit nutaat isumassallu ilimaginngisamiit saqqummersinnaasarput – arlalitsigut taakku ilinniarnermik naammassinnerlaaneertarput imaluunniit ilinniartumit oqariartuutaasarlutik.
Suliffeqarfittut Kalaallit Nunaanni Niuernermik Ilinniarfimmi ilinniartut suleqatiginissaat periarfissarineqarpoq. Assersuutigalugu suliffeqarfimmi suliniutiti ingerlasut pillugit. Niuernerup misissorneqarneranut tunngasuusinnaapput, aningaasaqarnikkut naatsorsueqqissaarnerit imaluunniit pisiniarfiup igalaavinik ilusilersuinermut tunngassuteqarsinnaallutik.
Suliffeqarfittut nukiit nutaarluinnaat atorlugit isumalluutit ujartukkatit pissarsiarisinnaavatit, taassumalu saniatigut sulisorinersinnaasannik aamma misileraanissamut periarfissaqarlutit.
Siunnersorteqarsinnaanermut aaqqissuussaq
Inuussutissarsiornermi siunnersortip
Suliffeqarfimmit ilinniartuutitsinnut siunnersortitut ilisimasavit misilittakkavillu ilnniarninnit aammalu sulininni pissarsiarisimavit ingerlateqqinnissaat periarfissarissavat.
Inuussutissarsiornermi siunnersortip misilittakkani isumalluutillu ilaat sakkussatut atorneqartut ilinniartunut ingerlateqqinnissaat aallutarigaangamikkut misigisarparput tamanna ilinniartumut aamma killormuanik siunnersortimut pissarsiaqaataangaatsiartartoq.
Siunnersorteqarsinnaanermut aaqqissuussaq
Siunnersortitut aaqqissuussarput alapernaaffigilersimagukku ilinniarnermi siunnersorterput attaveqarfigisinnaavat ugguuna studievejleder@ninuuk.gl.