TNI FLex (+SUND)

Tunngaviusumik ilinniakkamut inuussutissarsiutaasumut aallartinnissannut piukkunnarsarit

Pisiniarfinni allaffinniluunniit sulinissamik eqqarsaateqaruit, meeqqallu atuarfiat naammassisimallugu, kisiannili sammisat ilai amingaatigalugit? Taava TNI Flex ilinnut toqqassallugu tulluartuusinnaavoq.

Sooq TNI FLEX-imi atuassavit?

TNI Flex piginnaasanik qaffassaaffiuvoq, ilinnut TNI-mut ilinniarniarluni piumasaqaatinik amingaatilimmut, imaluunniit allamik tunngaviusumik inuussutissarsiutigalugu ilinniakkamut.

Taamaammat TNI Flex ilinniaqqinnissannut aqqutissaraat, aningaasaqarnermik, sullissinermik, saaffiginnittunillu sullissinermut suliaqarniaruit.

Atuartitsineq qanoq ingerlasarpa?

TNI Flex-mi atuartitaaneq paasinartuuvoq. Tamanna isumaqarpoq ajornartorsiummik ilisimasaqarlutit – piviusunik tungaveqarlutit suliaqarsinnaanissannik, sulianillu aaqqissuussamik atuartinneqarlutit, aammalu naliginnaasunik saqqummiiffigineqartassallutit.

Atuartitsineq allanngorarpoq, atuaqatigiilluni atuarneq, eqimattanngorluni suliaqarneq, kisimiilluni suliaqarneq, piviusumik aallaaveqarluni, naleqquttunillu suliaqarnerulluni.

TNI Flex-imi arlalinnik tunngaviusumik sammisassaqarpoq: Kalaallisut, Qallunaatut, Tuluttut aamma Matematik, kiisalu sammisassat nammineq toqqangassat: Qarasaasialerineq, Inuussutissarsiornermi aningaasaqarneq, Tunisineq, Inuiaqatigiilerinerlu. Tamakkua saniatigut aaliangersimasumik qulequtaqarlusi suliaqartassaasi, soorlu isiginnaartitsineq, inuttullu ineriartorneq.

Meeqqat atuarfiani, ilinniarfimmiluunniit allami, tungaviusumik sammisassat ilaanni naammassinnissimaguit, sammisamut pineqartumut atuartitsinermi ilaasariqanngilatit. Taamaallaalli sapaatip akunneranut minnerpaamik 20 tiimit sammisaqarnissat piumasaqaataavoq ilinniagaqarnersiutit tigummiinnarniarukkit.

Paasissutissat

Sivisussuseq: Ukiup affai marluk

Qinnuteqarfissamut killigititaq: Martsip aallaqqaataa

Ilinniakkap aallartinnissaa: Aggustusi

Ilinniakkap aaqqissuussaanera

Atuarneq sapaatit akunnerinik 40-nik sivisussuseqarpoq, atuarnermik, suliffimmillu sungiusarnermik imaqarluni. Suliffimmi sungiusarneq sapaatit akunnerinut marlunnut sivisussusilerneqarpoq, ukiakkut sapaatip akunnerini marlunni imaluunniit sapaatip akunnera ataaseq ukiakkut, sapaatip akunneralu ataaseq upernaakkut pisartussatut.

TNI Flex – PEQQINNEQ  tassaavoq TNI Flex naliginnaasoq, peqqinnissamut tunngasumik toqqanissamut periarfissalik.

Sammisassatut toqqangassat neqeroorutigineqassapput Peqqissaanermik Ilinniarfik peqatigalugu

  • Inuussutissarsiornikkut ilitsersuut, Tunngaviusumik peqqinnissamik suliaqarneq
  • Suliat pillugit attaveqaqatigiinneq
  • Suliassanik pilersaarusiorneq, suleqatigiinnerlu
  • Inuiaqatigiilerineq, peqqissuserlu

TNI FLEX-imut atuarniarluni akuerineqassangaanni piumasaqaatit suuppat?

Inuussutissarsiornermut tunngasunik ilinniagaqarnissamut piumasaqaatinik naammassinnissimangikkuit, uani TNI Flex-imi atualernissat periarfissaavoq. 

TNI Flex atuarnermi angusanut annikitsunut qaffassaaffiusinnaasoq. Imatut paasillugu tunngaviusumik inuussutissarsiornermi ilinniagaqarniarlutit aallartinnissamik eqqarsaateqaruit, piumasaqaatinillu , Kalaallisut, Qallunaatut, Tuluttut Matematik-imilu amigaateqarlutit, taava TNI Flex ilinnut alloriaataasinnaavoq.

Misilitsinneq qanoq ingerlasarpa?

Tungaviusumik sammisanik aammalu sammisanik nammineq toqqakkanik imaqassaaq, aaliangersimasumik qulequtaqarluni sammisanik misilitsittoqassanngilaq. Ataqatigiissaarisumik attavilerneqassaatit, taassuma ingerlaninni nalilersorlutillu aqqutissiuuttassavaatit. Piginnaasatit, inuttullu ineriartornerit eqqarsaatigalugu, aammalu ilinniakkamik toqqaaniarninnut, misilitsinnissannullu piareersarnissat eqqarsaatigalugit.

Qanoq aallartissaanga?

Ilinniakkamut qinnuteqarneq, najukkami Majoriaq imaluunniit sullissivik.gl aqqutigalugit pisarpoq. http://sullissivik.gl.

Ilinniagaq pillugu annertunerusumik paasisaqarusukkuit, paasissutissat ilinniakkap aaqqissuussaanera pillugu saqqummiussaq takusinnaavat. Aammali tikilluaqqungaarpatsigit ilinniarnermut aqqutissiuussisutsinnut allagaqarnissannut uunga studievejleder@gbs.gl

Suut eqqumaffigissavakka?

  • Atuarneq Greenland Business Schoolimi (Niuerneq Ilinniarfimmi) Nuummi ingerlanneqassaaq.
  • Atuarneq aggustusi aallartisimalernerani aallartissaaq, qinnuteqarnermullu killigitinneqarpoq martsip aallaqqaataa.
  • Atuarneq sapaatit akunnerinik 40-nik sivisussuseqarpoq, atuarnermik, suliffimmillu sungiusarnermik imaqarluni. Suliffimmi sungiusarneq sapaatit akunnerinut marlunnut sivisussusilerneqarpoq, ukiakkut sapaatip akunnerini marlunni imaluunniit sapaatip akunnera ataaseq ukiakkut, sapaatip akunneralu ataaseq upernaakkut pisartussatut.
  • Ilinniarnerup ingerlannerani ilinniarnermusiaqarsinnaavutit, suliffimmilu misiliinerni isumaqatigiissutit malillugit akissarsiaqartinneqassallutit.
Ukiup affaa
0
UKIUT
0
INUUNERMI ILINNIAGAQ
0